- alltid på veg!
KNUT IVAR BØE, frå Vaksvik, er ein velkjend trekkspelar frå plater, radio og TV i Skandinavia dei siste femten åra. Han underviser privat og i musikkskule, og er mykje nytta som studiomusikar, samt til seminar og dommar-oppgåver. Knut Ivar har lang erfaring frå teater, cabaret, kyrkjekonsertar, dansemusikk og samarbeid med kor, korps og band. Han har vore heiltids-musikar og ferdamann dei siste åra og har turnert både i USA og i Europa. Han nådde eit nytt publikum med sin fyrste solo-CD i 1994, "Ferdamann", som har selt bra og vore flittig spela i radio. Saman med Catriona McDonald og seinare Tone Fedt, har han halde ei mengd rikskonsertar siste åra, og har fått fleire prisar og stipend for sin spelemåte.
|
INGUNN LINGE VALDAL, frå Valldal, har spela fele sidan 9-årsalderen, og seinare fått brei folkemusikk-bakgrunn, også frå harding-fele, kveding og dans. Ho var i fleire år leiar for eit spelemannslag, og har gode plasseringar frå kappleikar. Ho har spela i TVprogram frå Storfjord-området og er mykje nytta lokalt. Ingunn er utdanna faglærar i folkemusikk frå Raulands-akademiet og underviser privat og i musikkskule. Som Knut Ivar, er ho knytt til Møremusikar-ordninga som frilansar, og saman vil dei vere naturlege støttespelarar til konsertar, seminar, o.l.
|